Please follow and like us:
ინგრედიენტები
- 6-8 ცალი ხახვი
- 2 თავი ნიორი
- 200 გრ ტომატი
- 300 გრ ნიგოზი
- 100 მლ ღვინის ძმარი
- 1 კონა ქინძი
- მარილი, ყვითელი ყვავილი, უცხო სუნელი, ხმელი ქინძი, ყვითელი ყვავილი, წითელიპილპილი გემოვნებით
პორცია:
ინსტრუქცია
- წვრილად დაჭრილი 6-8 ცალი თეთრი ხახვი მოშუშეთ 200 მლ ზეთში კარგად. ხახვი ძალიან კარგად უნდა მოიშუშოს. საშუალო ცეცხლზე 30-40 წუთის განმავლობაში, ხშირად ურიეთ, არ დაიწვას. 20 წუთის შემდეგ მოაყარეთ 1 სუფრის კოვზი შაქარი და განაგრძეთ მოშუშვა. დაუმატეთ შემდეგ თითო-თითო ჩაის კოვზი ყვითელი ყვავილი, ხმელი ქინძი, უცხო სუნელი. წითელი პილპილი და მარილი დაუმატეთ გემოვნებით. თუ უფრო მკვეთრი ფერი გნებავთ, ყვითელი ყვავილი შეგიძლიათ 2 ჩაის კოვზი დაუმატოთ.
- ცალკე გაატარეთ 300 გრამი ნიგოზი და 2 თავი ნიორი. ცალკე 100 მლ ადუღებული წყალი დაასხით 200 გრამ ტომატ-პასტას და კარგად გახსენით, დაუმატეთ 100 მლ ღვინის ძმარი. წვრილად დაჭერით 1 კონა ქინძი. ყველაფერი დაუმატეთ მოშუშულ ხახვს და ადუღეთ დაბალ ცეცხლზე 5 წუთის განმავლობაში. გაცივდეს და გადაიტანეთ ქილაში. თუ სქელია, შეგიძლიათ ადუღებული წყლით ან თეთრი ღვინით გაათხელოთ. შეინახეთ მაცივარში.
- ძალიან გემრიელია. უხდება შემწვარ ხორცს და თევზს. ლობიოს, მჭადს, შემწვარ კარტოფილს, კიტრს, პომიდორს....
საუკეთესო კულინარი ქ.თამრიკო,დიდი ხანია რაც მისი რეცეფტით ვსარგებლობ..
გაიხარეთ. დიდი მადლობა <3