Please follow and like us:
ინსტრუქცია
- დესერტი მზადდება ლარნაკში ან ჯამში, კონუსის ფორმა თუ ექნება უფრო ლამაზია. ფორმაში ჩააფინეთ საკონდიტრო ცელოფანი, კედლებზე და ძირზე მოაწყვეთ მჭიდროდ დაჭრილი პასკა, სიცარიელე ამოავსეთ ხაჭოს დესერტით, რომელიც შემდეგნაირად მზადდება:
- 30 გრამი ჟელატინი გახსენით 100 გრამ თბილ წყალში და კარგად მოურიეთ, სანამ ჟელატინი კარგად არ გაიხსნება. შეიძინეთ სწრაფად ხსნადი ჟელატინი, რომელსაც წამოდუღება არ სჭირდება.
- ცალკე 2 კვერცხი და 1 ჭიქა შაქარი ათქვიფეთ კარგად, დაუმატეთ ვანილი, დაუმატეთ 500 გრამი ხაჭო და 500 გრამი არაჟანი, აურიეთ კარგად, ჩაუმატეთ გაწურული ჟელატინიანი წყალი, კარგად მოურიეთ. დაუმატეთ ქიშმიში და აურიეთ. ჩაასხით ფორმაში, ზემოდან დააფარეთ ისევ დაჭრილი პასკის ნაჭრები ან პასკის ძირი. დესერტი შედგით მაცივარში 1 საათის განმავლობაში. შემდეგ გადაასხით მინანქარი ან მორთეთ თქვენი სურვილით.
- შოკოლადის მინანქარი: მზადდება სქელძირიან ქვაბში - 4 სუფრის კოვზი კაკაო, 50 გრამი კარაქი, 100 გრამი შაქარი, 2 სუფრის კოვზი წყალი. კარგად გახსენით და მუდმივი მორევით მიიყვანეთ ადუღებამდე. დესერტს გადაასხით ცხელი.
