Please follow and like us:
ინგრედიენტები
- 1 კგ ბადრიჯანი
- 1 კგ პომიდორი
- 500 გრ კარტოფილი
- 2 ცალი მწვანე ბულგარული წიწაკა
- 2 ცალი წითელი ბულგარული წიწაკა
- 2 ცალი სტაფილო
- 200 გრ მწვანილი
- მარილი გემოვნებით
- პილპილი გემოვნებით
- 300 მლ ზეთი
- 6 თავი ხახვი
- 6 კბილი ნიორი
- 500 გრ მწვანე ლობიო
- 50 გრ ბრინჯი
პორცია: ცალი
ინსტრუქცია
- აჯაფსანდალისთვის სასურველია ცოტა მოზრდილი, სქელძირიანი ქვაბი აარჩიოთ, რათა ყველა ინგრედიენტი კარგად მოთავსდეს. ინგრედიენტები კარგად გარეცხეთ. ცალკე ვხარშავ ლობიოს, ცალკე ვწვავ ზეთში დაჭრილ ბადრიჯანს, ცალკე ვხარშავ დაჭრილ კარტოფილს. კარტოფილთან ერთად ვუმატებ ბრინჯს, მე მიყვარს, თქვენი გემოვნებით მოამზადეთ.
- დადგით ქვაბი საშუალო ცეცხლზე, ჩაასხით ზეთი და გაცხელებისთანავე ჩაყარეთ წვრილად დაჭრილი ხახვი, კარგად მოიშუშოს, დაუმატეთ მარილი, ნიორი, გახეხილი ან წვრილად დაჭრილი სტაფილი, დაჭრილი წითელი და მწვანე ბულგარული წიწაკა, კარგად მოთუშეთ ყველაფერი, შემდეგ დაუმატეთ შემწვარი ბადრიჯანი, ლობიო, კარტოფილი, დაასხით გახეხილი კანგაცლილი პომიდორი, შეგიძლიათ დაუმტოთ 1 სუფრის კოვზი ტომატი. თქვენი გემოვნებით დაუმატეთ მწარე წიწაკა ან აჯიკა. კარგად აურიეთ,დაუმატეთ 1 ჭიქა წყალი. დაუმატეთ იმ რაოდენობის წყალი, როგორი სისქის კერძიც გსურთ მიიღოთ . ხარშეთ ნელ ცეცხლზე მაქსიმუმ, 10-15 წუთი. ბოლოს დაუმატეთ დაჭრილი მწვანილი- ოხრახუში,ქინძი,რეჰანი.
